15 November 2019

Ha Paul,

De kwaams de ierste kiere met Ronald meij naor MB&C en waas op zeuk naor eun plek um dich thoes te veule. Al gauw had se via via eune rolstaol geregeld en deej gebroeke we noch steeds.

Toch kwaam se op eun gegaeve moment neet mier en gelukkig, toen MB&C eun andere lokatie had gevonde, waas se der weer en bisse auk gebleeve! Saame maake we ut verschil en daor stonds dich auk veur.

Langzaam vertelde se euver dien verleeje, wat dich beezig heeld en waorum se der dan auk wal ens neet waas.

Saame met diene “werkplaatsbegeleider” heb se ozze huidige moon2 gehaold, oet elkaar getrokke en weer opgebouwd. Ut waas en is dan auk dien ziespan gewaore! Det zulle weej neet vergaete en auk blievend herinnere.

Veuls te vruug bisse der tusse oet gesjeesd, der hadde noch vuul passagiers met dich wille rieje. Toch hoope weej desse diene rus hebs gevonde deej se zoe verdeens! Names alle betrokkene beej MB&C en de Moonbikers, winse weej dien femilie en vrinde sterkte toe!

Weej gaon dich misse, neet vergaete…

Geef een antwoord

Het e-mailadres wordt niet gepubliceerd.